Hos 7 | ZomZIV | STEP | Israel ka damsak peuhpeuh ciangin Ephraim mawhnate pholak in Samaria tatkhialhnate ki laak ding hi. Amaute in zuauphuak uh a, gutate in inn sung luhin, misuamte in lampi-ah a sut uh hi.

Hosea 7

1 Israel ka damsak peuhpeuh ciangin
Ephraim mawhnate pholak in
Samaria tatkhialhnate ki laak ding hi. ^a
Amaute in zuauphuak uh a,
gutate in inn sung luhin,
misuamte in lampi-ah a sut uh hi.
2 Ahi hangin amaute in a mau gamtat sia khempeuh ka ciamteh lam
a phawk kei uh hi; ^b
a mawhnate un amaute valhcip a,
ka mai ah a om den uh hi.
3 “Amaute in a gitlohna uh tawh a kumpipa uh lungkimsak uh a,
a zuau thu uh tawh uliante a nuamsak uh hi.
4 Amaute angkawm vive hi uh a,
annel lom a pawm masiah
a empa in a mei mutkuang
a kullo meikhuk sunga om tawh kibang uh hi.
5 I Kumpipa pawi bawl ni-in,
kumpipa tapate in zu uang kham mahmah uh a,
mi selnohte tawh a kilen uh hi. ^c
6 Amaute lungtang meikhuk tawh kibang a;
amaute in amah gitlohsawmsimna tawh a naih uh hi.
Amaute ukluatna in zan tawntung in kanga,
zingsang ciangin mei kuanglai bangin a kuang hi.
7 Amaute khempeuh meikhuk bangin sa uh a;
amaute in a uliante uh a valhtum uh hi.
A kumpite khempeuh uh puk napi ^d
amaute khat beek in kei hong sam lo uh hi. ^e
8 “Minamte tawh Ephraim kigawma; ^f
Ephraim pen a kilumlet lo mohpheng ahi hi.
9 Gamdangte in amah thanemsak uh a,
ahi hangin amah in tua a phawk kei hi.
Ama sam lakkan napi amah in
a phawk kei hi.
10 Israel kisaktheihna in ama langah teci pang hi; ^g
tua hi napi,
TOPA ama Pasian lamah kihei loin
amah a zong tuan kei hi. ^h
11 Ephraim kawlvakhu tawh kibanga,
khemnop mahmah in ngaihsutna mel nei lo a -
tu-in Egypt samsam in, ⁱ
tu-in Assyria lamah kihei hi.
12 Amaute a pai uh ciangin ka len ka khuh ding hi;
huih laka vasate bangin amaute ka kaikhiasuk ding hi.
Amaute a ciakkhawm uh ka zak ciangin
amaute ka man ding hi.
13 Ka kiang panin amaute lampial uh ahi manin
gimna thuak ta uh hen! ^j
Amaute in kei hong lehdo uh ahi manin ^k
amaute tungah siatna tung ta hen!
Amaute ka tatkhiat nop hangin
kei langkhatah zuauthu a phuak uh hi. ^l
14 Amaute a lungsimun kei tungah hong kiko lo uh a, ^m
amau lupna tungah a tau uh hi.
Amaute an le zuthak adingin a kikaihkhop ^{▼▼7.14 Hebrew khutgelh tampen; Hebrew khutgelh pawlkhat le Septuagint amau le amau kikuikek} uh hangin
kei kiang pan a kiheikhia uh hi.
15 Amaute kisinsakin ka thakhauhsak a,
ahi hangin kei langkhat ah a hoih lo sep a sawm uh hi. ^o
16 Sangpen Pa lamah amaute kihei lo uh a,
thalpeu neemsa a bang uh hi.
Amaute thusimlohna kammalte hangin
a makaite uh namsau-in a puk uh hi.
Hih thu hangin Egypt gamah
amaute mi nuihsatin a om ding uh hi. ^p